..ليا وقت منشرتش بوستات هنا، ف حابب النهاردة أتكلم عن موضوع لطيف جا ف بالي
تخيل معايا فيه حد أعمى من أول ما اتولد، يعني مشافش أي حاجة ف حياته خالص
وأنا اديته تفاحة لونها أحمر
ف هو لمسها بايده وحس أنها تفاحة
ف قلت له دي تفاحة لونها أحمر
ف سألني يعني ايه لون "أحمر"؟
يعني ايه لون من الأساس؟
بتاع ايه ده؟؟
خليني أضرب مثال تاني يوضح الفكرة أكتر..
تخيل حد أطرش من يوم ما اتولد، وبنتواصل معاه بالإشارة
ف شغلت له أغنية لبيلي آيليش وقلت له بالإشارة أني مشغل أغنية، وأن المغنية صوتها أنثوي
ف سألني بالإشارة برضو، يعني ايه صوت "أنثوي"؟
يعني ايه صوت من الأساس؟
بيتحس ازاي يعني؟؟
أنا عارف أنك مقدرتش تجاوب على السؤالين دول، ولا أنا، ولا محدش ف الكوكب كله لحد دلوقتي قادر يشرح للأعمى الألوان أو للأطرش الأصوات!
الحاجة المشتركة بين المثالين دول، هي أن الإجابة عليهم مش حاجة منطقية أو نظرية، دي حاجة حسية، حاجة بتعتمد على حاسة مفقودة عند صاحب السؤال
وبما أنها مفقودة، مستحيل نقدر نجاوب عليهم!!
المشكلة دي هي مشكلة فلسفية اسمها "المشكلة الصعبة للوعي" أو:
the hard problem of consciousness
مشكلة محدش قدر يحلها لحد دلوقتي، وهي محيرة والتفكير فيها بيجيب صداع :)
the hard problem of consciousness
مشكلة محدش قدر يحلها لحد دلوقتي، وهي محيرة والتفكير فيها بيجيب صداع :)
