microsoft MAY make a good thing, yeah, you read it correctly :)

 مع أني بكره ويندوز والتخلف اللي فيه، ولكني مش هظلمه وزي ما تكلم في بوست  بداية الطريق في نظام البطريق عن الحملة العالمية ضد ويندوز بسبب آخر قرارات أخدوها
بتكلم النهاردة عن مقال نزلوه تقدر تقرأه من هنا

المقال حلو وبيتكلم عن خططهم لتحسين التجربة في ويندوز وفيه قرارات أتمنى يطبقوها بشكل كويس
ميزته ف أن مايكروسوفت كان نظامها من سنين هو رمي الطرشة.. مكانوش مهتمين بأي رأي ولا تجربة مستخدم
بيضيفوا ميزات ملهاش لازمة، ف المستخدمين يشتموهم، يشيلوها؟؟ لا يعملوا حل أسوء يحل المشكلة اللي هي ملهاش لازمة أصلاً

المرة دي فيه اختلاف، كتبوا مقال كويس ولو كانت طريقة الكلام كالعادة
corporation slop
 وكلها كلام إنشائي بس لو طبقوها كويس ممكن التجربة في ويندوز تتحسن

أهم حاجة تكلموا عنها هي ال

personalization & customization
performance optimization

بالذات أول نقطة
قالوا أنهم وأخيراً هيضيفوا ميزة أنك تغير مكان التاسك بار وتخليه من فوق تحت يمين شمال أي اتجاه يعجبك
وقالوا أنهم بيغيروا ال
widgets

ويخلوها قابلة للتخصيص أكتر

وقالوا أنهم هيعملوا تحسينات ف الأداء والتخصيص لحاجتين مهمين:
start menu and taskbar
الحاجتين دول مبنيين على حاجة ف ويندوز اسمها:
explorer
وده على عكس ما الناس فاكرة مش مجرد الفايل اكسبلورر اللي بتتصفح منه الملفات
هو عبارة عن
shell
وبرضو على عكس ما الناس فاهمة فكرة الشيل، الشيل نوعين منها اللي بينفذ الأوامر في التيرمنال ومنها الشيل اللي ف ويندوز وهي المسؤولة عن واجهة المستخدم زي شريط المهام وستارت منيو
ومسؤولة عن أجزاء تانية في ويندوز
وبما أنهم هيعدلوها ممكن تبقى قابلة للتخصيص أكتر
هي أصلاً ممكن تبدلها وتستخدم حاجة زي كايرو شيل ابحث عنها على جيتهاب بس عموماً حلو أنهم يحدثوها
وكمان الشيل نفسها مبنية على:
dwm (desktop window manager)
وده الجزء المسؤول عن رسم الشاشة أصلاً
ولكنه للأسف مينفعش تبدله لأنه متداخل مع حاجات كتير ف ويندوز ولو بدلته بأي ويندو مانجير تاني مستحيل ويندوز يشتغل

لو خلوه ممكن يتبدل وعد مني بستخدم ويندوز جنب لينكس ومش بشيله بعد 3 ثانوي!

بيكون أكبر ميزة ف ويندوز وبعدها بيومين بتلاقي 100 مشروع اوبن سورس بيبدله بأداء أحسن وميزات أكتر بمليون مرة
ومش بعيد تلاقي مشروع كايرو شيل نفسه بقى شيل + ويندو مانجير في نفس الوقت

ف أنا فرحان بصراحة بالتصريح ده لأنه أول مرة يستجيبوا لمطالب الناس، وهما برضو مش بقيوا طيبين هما مجرد أن الناس خسرتهم فلوس بس على الأقل أحسن من لا شيء

هما قالوا بينزلوا تحديثات بالميزات الجديدة ل
windows insiders
وهو نسخة من ويندوز للتجربة واختبار الميزات الجديدة فيه مستخدمين بيستخدموها والنظام بيجمع بيانات ويبعتها لمايكروسوفت علشان يقيموا هل الميزات ينفع تتضاف ولا لا
يعني كام شهر مثلاً وبتتضاف لنسخة ويندوز الرسمية اللي احنا بنستخدمها
ننتظر ونشوف